УКМКнын төрагасы Камчыбек Ташиевдин бажасы (А.Т.О.) камакта калтырылды. Бул тууралуу Reporter.kg’ге Биринчи май райондук сотунан билдиришти.

Ташиевдин бажасынын бөгөт чарасы 10-сентябрда райондук сотто каралган. УКМКнын тергөөчүсү келтирген өтүнүч боюнча А.Т.О. 11-октябрга чейин камакта калтырылган.

Эскерте кетсек, Камчыбек Ташиевдин бажасы (А.Т.О.) менен Түркиянын жараны быйыл июлда алдамчылыкка шектелип кармалган. Ал экөө жергиликтүү ишкерди сызга отургузуп кеткени кабарланган.

Камчыбек Ташиевдин айтымында, бажасы буга чейин чоң кызматтарда иштеп, милициянын полковниги деген наамы бар. Бажасы анын атын жамынып алдамчылык жасаган. Эми ал алдаган адамдарынын акчасын кайтарып берип, мыйзам чегинде жазасын алгандан кийин камактан чыгат.