Ош облусунда каналга чөгүп кеткен эки баланын сөөгү табылды. Бул тууралуу ӨКМден билдиришти.
Маалыматка караганда, 11-июлда Кара-Суу районунун Шарк айыл аймагына караштуу Ачы айылынан агып өткөн Южный каналына 9 жаштагы К.М. жана 7 жаштагы К.М. аттуу балдар түшүп кеткени тууралуу маалымат келген.
Мындан улам издөө иштерине куткаруучулар тартылып, түн кирип кеткендигине байланыштуу убактылуу токтотулган.
Бүгүн, 12-июлда таң эрте Кара-Суу району боюнча ӨКБнүн өздүк курамы издөө ишине тартылган.
Натыйжада саат 11:06да 9 жаштагы баланын сөөгүн куткаруучулар, ал эми саат 11:32де 2-баланын сөөгү туугандары тарабынан табылды.
Биздин Телеграм каналга катталыңыз
