Кара-Суу районунда 18-февралда УКМК менен Ош ОИИБ тарабынан диний-экстремисттик жана эл аралык террористтик уюмдарга каршы аракеттенүү алкагында, ошондой эле козголгон кылмыш иши боюнча тыюу салынган «Хизбут-Тахрир» радикалдык экстремисттик уюмунун 6 активдүү мүчөсү жашаган жеринде тинтүү иштери жүргүзүлдү. Бул тууралуу УКМКдан билдиришти.
Жыйынтыгында «Хизбут -Тахрир» радикал-экстремисттик агымынын «Аль-Вайи» деп аталган 4 китеби, «Хизбут-Тахрир» ДЭУнун 4 баракчасы, 2 бычак, 55 түрдүү диний адабияттар, 12 уюлдук телефон жана 1 ноутбук алынды.
Учурда козголгон кылмыш ишинин алкагында тергөө амалдары жүрүп, тиешелүү экспертизалар дайындалды.
Биздин Телеграм каналга катталыңыз
