Бириккен Улуттар Уюмунун (БУУ) Электрондук Өкмөттү өнүктүрүү индекси боюнча жүргүзгөн акыркы изилдөөсүнө ылайык, Казакстан онлайн мамлекеттик кызмат көрсөтүү жаатында дүйнөдөгү алдыңкы 10 өлкөнүн катарына кирди.
Бул өлкөнүн санарип трансформация жана мамлекеттик кызматтарды жеткиликтүү кылуу багытындагы жетишкендиктерин тастыктайт.
Ал эми Кыргызстан бул жаатта 79-сапка төмөндөп, региондогу коңшуларынан артта калды. Бул өлкөдө санариптик мамлекеттик кызматтардын жеткиликтүүлүгү, ылдамдыгы жана пайдалануу деңгээли боюнча көйгөйлөр али да актуалдуу экенин көрсөтөт.
Адистердин айтымында, Кыргызстанда IT-инфраструктураны чыңдоо, калктын санариптик сабаттуулугун жогорулатуу жана мамлекеттик мекемелерде онлайн кызматтарды натыйжалуу киргизүү боюнча иштерди күчөтүү зарыл.
