Казакстанда биринчи жолу Борбор Азиянын жаштары үчүн эл аралык өзөктүк эко-лагери өткөрүлөт. Долбоор тууралуу Алматыда өткөн «Энергия будущего» жаштар форумунда Диана Гамазова маалымдаган.

Лагерь «Борбор Азия үчүн атом энергиясы» долбоорунун негизги бөлүгү болуп саналат.

Иш-чарага ядролук илим, таза энергия жана туруктуу өнүгүүго кызыккан Борбор Азия мамлекеттеринен, анын ичинде Кыргызстандан жаш лидерлер, профильдүү университеттердин студенттери жана экологиялык активисттер катышат.

Катышуучуларды төмөндөгү программалар күтөт:

• Илимдин алдыңкы адистери жана өзөктүк энергия тармагынын эксперттери тарабынан лекциялар;
• Атомдук технологияларды колдонуу менен экологиялык көйгөйлөрдү чечүүгө багытталган долбоордук сессиялар;
• Лидерлик, коммуникация жана инновацияларды башкаруу боюнча тренингдер;
• Декарбонизация жана энергия коопсуздугунда АЭСтин ролуна байланыштуу практикалык кейстер.