9-сентябрда Кыргызстандын U-23 (Олимпиадалык) курамасы 2026-жылдагы Азия Кубогунун тандоо этабындагы чечүүчү оюнда Шри-Ланка менен күч сынашат.

Беттеш Бишкектеги Дөлөн Өмүрзаков атындагы стадиондо өтүп, саат 20:00дө башталат. Оюнга чейин күйөрмандар үчүн чоң шоу-программа уюштурулуп, ал 18:00дө старт алат.

Финалдык этапка жалпысынан 16 команда чыгат:

• турнирдин кожоюну Сауд Арабия автоматтык түрдө катышат;
• ар бир тайпанын жеңүүчүлөрү болгон 11 команда;
• эң мыкты көрсөткүчкө ээ болгон экинчи орундагы 4 команда.

Финалдык баскыч 2026-жылдын январында Сауд Арабияда өтөт. Билеттерди TICKET.KG сайтынан сатып алууга болот.

Эскерте кетсек, Кыргызстандын U-23 курамасы тандоо турун ийгиликтүү баштап, алгач Палестинаны 2:1 эсебинде уткан. Экинчи беттеште Өзбекстан менен 2:2 эсебинде тең чыгышкан.