Казакстандагы тополоң башталгандан бери алгачкы жолу биринчи президент Нурсултан Назарбаевдин кызы Алия Назарбаева үн катпай, социалдык тармактарга билдирүү жарыялады.
«Өлкөбүздө болуп жаткан каргашалуу окуяларга жүрөгүм ооруп жатат. Бардык курман болгондордун жакындарына чын жүрөктөн көңүл айтам. Баарыбыз үчүн бул катаал сабак тарыхыбыздагы акыркысы болсун. Тынчтыкта адамдардын өлүшү туура эмес», — деп жазган Алия Назарбаева.
Ал биринчи президентке моралдык жактан колдоо сөздөрүн жазган катталуучуларына ыраазычылык билдирди.
«Учурда ага ар кайсы аймактардын тургундарынан көптөгөн билдирүүлөр келип жатат. Казакстанга тынчтык жана гүлдөп өнүгүү, казак элине бакубатчылык жана ден соолук каалайм. Өзүңө кам көр», — деп жазган ал.
Буга чейин чет элдик басылмалар Алия Назарбаева Лондондон үй жана жеке учак сатып алганын жазып чыгышкан. Ал бул маалымат боюнча комментарий берген жок.
