Хоккей боюнча жаштар арасындагы (U-20) дүйнө чемпионатында Кыргызстандын курамасы Түштүк Африкадан келген команданы 7:2 эсебинде жеңди. Бул тууралуу Дене тарбия жана спорт боюнча агенттик билдирди.

Буга чейин 18-январда өткөн биринчи турда кыргызстандыктар Гонконгдун курама командасын утуп алышкан.

Үчүнчү турдун беттештери 21-январда өтөт. Анда Кыргызстандын курама командасы Ирандын курама командасына каршы ойнойт.

III дивизиондун B тайпасы боюнча чемпионат Бишкек шаарында өтүп жатат. Ал 24-январга чейин өтөт. Ага Кыргызстан, Мексика, Люксембург, Түштүк Африка, Иран жана Гонконг (Кытай) курама командалары катышат.