Кыргызстандыктар көп учурда балдарын мамлекеттик мектепке чейинки билим берүү уюмдарына узун кезекке байланыштуу киргизе албай калышат. Себеби ата-энелер эмне кылуу керек экенин билбей, түз эле бала бакчага бара беришет.

Азыркы тапта Кыргызстанда баланы бала бакчага каттоо үчүн электрондук кезек системасы иштөөдө. Бишкек мэриясынын маалыматына ылайык, арызды бала төрөлгөн күндөн тарта бере баштаса болот. Бала бакчалар балдарды 3 жаштан баштап кабыл алышат. Бул үчүн mektep.edu.gov.kg сайтына катталуу керек:

1. Балага ким экениңизди көрсөтүңүз:
   • Ата
   • Эне;
   • Мыйзамдуу өкүл (бул пунктту тандагандан кийин тиешелүү документти тиркөө керек).

• Ата-эне же мыйзамдуу өкүл тууралуу маалымат:
  • Жарандыгы;
  • Идентификациялык жеке номери (ИЖН), аты-жөнү, паспорттук маалыматтары (сериясы, номери);
  • Уюлдук телефондун номери;
  • Электрондук почта;
  • Жеңилдик бар/жок экендиги (бар болсо, тиешелүү документти тиркөө талап кылынат).

• Бала тууралуу маалымат:
  • Идентификациялык жеке номери (ИЖН), толук аты-жөнү, туулган жылы, баланын жынысы;
  • Туулгандыгы тууралуу күбөлүктүн сериясы жана номери;
  • Окууга жеңилдик бар/жок экендиги (бар болсо, тиешелүү документти тиркөө талап кылынат).

• Бала бакчаны тандоо:
  • Окутуунун тили;
  • Арыз ээси каалаган бала бакчаны тандай алат.

• Арызды жиберүүдөн мурун толтурулган маалыматты текшерүү керек:
  • Арызды жөнөтүүдөн мурун бардык маалыматтардын тууралыгын тактоо керек;
  • Арыз ырасталгандан кийин электрондук почтага арыз ийгиликтүү кабыл алынганы тууралуу билдирүү келет.

Бардык кадамдар бүткөндөн кийин мамлекеттик же муниципалдык мектепке чейинки билим берүү уюмунун жетекчиси арызды текшерип чыгат. Эгер арыз жактырылса, бала балдар бакчасына кабыл алынат.