Көлгө чөгүп кеткен төрт жашар кыз Аиша Мурдинованы издөөгө жардамдашып жаткан ыктыярчылар суу түбүнөн белгисиз 2 адамдын эски сөөктөрүн таап чыгышты. Бул тууралуу ыктыярчы топтун башчысы Айдана Оторбаева билдирди. Ал жазгандай сөөктөр 1-2-августта табылган.

Ысык-Көл облустук милициясынын басма сөз кызматы аталган маалыматты тастыктап, сөөктөр Тору-Айгыр айылынын түштүк-чыгыш тарабындагы көлдөн табылганын маалымдады.

Көл түбүнөн табылган адам сөөктөрү тууралуу райондук милицияга кабар берилген. Сөөктөр суу ташталган эски желим торлорго илинип калган.

Бул боюнча тиешелүү экспертизалар дайындалган. Экспертизанын жыйынтыгы менен мыйзам негизинде чечим кабыл алынат.

Бардык жаңылыктар Телеграм каналда