Коммерциялык эмес уюмдарды алардын киреше-чыгашалары тууралуу отчёт тапшырып турууга милдеттендирген мыйзам долбоор коомдук талкууга коюлду.
Мыйзам долбоорду Экономика министрлиги сунуштаган. Ага ылайык, саясий партиялардын, кооперативдердин, кесиптик бирикмелердин, диний уюмдардын кирешелеринин өлчөмү жана түзүмү, ошондой эле мүлкүнүн өлчөмү жана курамы, алардын чыгымдары жөнүндө маалыматтар коммерциялык сырдын предмети болушу мүмкүн эмес.
Жогоруда аталган уюмдар жыл сайын 1-апрелге чейин салык органынын сайтына өткөн жыл үчүн акча каражаттарын түзүү булактары, аларды чыгымдоо багыттары жөнүндө жыйынды маалыматтарды, ошондой эле сатып алынган, пайдаланылган жана ээликтен ажыратылып жаткан мүлк жөнүндө маалыматты жайгаштырышы керек.
Аталган долбоор кабыл алынса, аталган отчётту кайтарымсыз негизде берилген акчалай жана материалдык каражаттардын эсебинен иш жүргүзгөн уюмдар тапшырыш керек болуп калат.
