Бишкектеги Орто-Сай базары дезинфекция иштерине жабылат. Бул тууралуу вице-мэр Татьяна Кузнецова коронавирус менен күрөшүү боюнча түзүлгөн шаардык кеңештин жыйынында билдирди.

Анын айтуусунда, коронавирус жуктургандар өздөрү кайрылышууда. Алар акыркы жолу Орто-Сай базарына барышканын билдиришкен.

Ал эми Бишкек шаардык мэриясынын аппарат башчысы Балбак Түлөбаев дагы базардын жабыла тургандыгын “Фейсбуктагы” баракчасына жазды.

“Орто-Сай базарын жабабыз. Айткан көрсөтмөлөрдү аткарбай, санитардык нормаларды сактабагандыгы үчүн. Эгер башка базарлар, соода түйүндөр да санитардык нормаларды аткарбай, шаардыктардын ден соолугун коркунучка салса, аесуз жазаланат”, — деген шаар башкармалыгынын аппарат жетекчиси.