«Женго» каймана аты менен таанымал кримтөбөл Кадыр Досоновдун уюшкан кылмыштуу тобунун мүчөлөрү опузалап акча талап кылууга шектелип кармалды. Бул тууралуу Улуттук коопсуздук мамлекеттик комитетинен билдиришти.
Маалым болгондой, кармалгандар күч көрсөтүп зомбулук кылабыз деп коркутуп, Ош облусунун тургунунан 14 миң 500 доллар акча талап кылышкан.
Бул факты боюнча Кылмыш кодексинин 208-беренеси (Опузалап талап кылуу) боюнча кылмыш иши козголгон.
Учурда шектүүлөр УКМКнын Ош облусу боюнча башкы башкармалыгынын тергөө абагына камакка алынган.
УКМК уюшкан кылмыштуу топтун мүчөлөрү тарабынан болгон мыйзам бузуу фактылары боюнча кабар берүүгө чакырат.
Биздин Телеграм каналга катталыңыз
