Бишкекте тез жардам кызматы курч респиратордук вирустук инфекциянын (КРВИ) жана сасык тумоонун кескин көбөйүшүнө байланыштуу ашыкча жүк менен иштеп жатат. Экстрендик медицина борборунун башкы дарыгеринин орун басары Егор Борисовдун айтымында, суткасына болжол менен 4 миңге жакын чалуу түшүүдө, бул кадимкиден дээрлик үч эсе көп.

Күн сайын линияга 40–42 бригада чыгат, бирок чыгууга болгону 12 унаа гана даяр.

«Калган техникалар эскирип, бат-баттан бузулат жана талаптарга жооп бербейт. Ашыкча ишке карабастан, бардык чакыруулар катталып, тейленет, бирок кечигүүлөр болууда: айрым бейтаптар, айрыкча өмүрүнө коркунуч жок болсо, бригаданын келишин 2–5 саатка чейин күтүүгө мажбур», — деди Борисов.

Анын айтуусунда, шаардык тез жардам кызматынын нормалдуу иштеши үчүн болжол менен 150 бригада керек, азыр болсо болгону 42–43ү гана иштеп жатат.

Посмотреть эту публикацию в Instagram

Публикация от Reporter.kg (@reporter_kg)

Борисов белгилегендей, жакынкы убакта өкмөт мурда убада кылган жаңы тез жардам унааларынын келиши күтүлүүдө.

Буга чейин Саламаттык сактоо министрлиги Кыргызстан аймагында сезондук респиратордук оорулардын өсүшү байкалганын маалымдаган.

Кийинчерээк Чүй облусунда 2025-жылдын 47-жумасында дарыгерлер КРВИ учурларынын олуттуу өсүшүн катташкан, көрсөткүч эпидемиялык чектен дээрлик төрттөн бир бөлүккө ашып кеткен.