31-мартта мөөнөтсүз айдоочулук күбөлүктөрдү акысыз алмаштыруу боюнча акция аяктайт. Бул тууралуу Транспорт каражаттарын жана айдоочулук курамды каттоо боюнча мамлекеттик борбор маалымдады.

1-апрелден тарта аталган документтерди алмаштыруу үчүн 1 миң 389 сом төлөм жүргүзүү керек болот. Бирок, мөөнөтсүз айдоочулук күбөлүктөрдү 2026-жылдын 31-декабрына чейин 083 формасындагы медициналык маалымкатсыз алмаштыруу мүмкүнчүлүгү сакталат.

Борбордун маалыматында, жүргүзүлгөн акциянын алкагында өлкө боюнча 335 миңден ашык жаран айдоочулук күбөлүгүн жаңылаган. Бул чара жарандардын документтерин этап-этабы менен жаңылоосуна жана ажиотажды болтурбоого багытталган.