Ички иштер министринин мурдагы орун басары Курсан Асанов үй камагына чыгарылды. Бул тууралуу Бишкек шаардык сотунун басма сөз кызматынан билдиришти.
Буга чейин Биринчи май райондук соту 20-мартта Асановду 26-майга чейин УКМКнын СИЗОсунда камакта калтыруу тууралуу чечимин чыгарган.
Курсан Асанов 5-9-октябрдагы Бишкектеги жапырт башаламандыкка байланыштуу козголгон кылмыш ишинин алкагында камакка алынган.
Белгилей кетсек, 2020-жылдын 13-август күнү Курсан Асанов «милициянын кызыкчылыгын сатты» деген жүйө менен министрдин орун басары кызматынан бошотулган.
