Президент Садыр Жапаровдун жарлыгы менен Кылычбек Султан Кыргыз Республикасынын Пакистан Ислам Республикасындагы Атайын жана Ыйгарым укуктуу Элчиси болуп дайындалды. Бул тууралуу президенттик аппараттан билдиришти.

Кылычбек Султан — маалымат айдыңындагы таанымал фигура, ал “Сереп Медиа”, Super.kg сайттарынын жана “Супер-Инфо” гезитинин негиздөөчүсү.

Буга чейин 2012-2013-жылдары Социалдык өнүктүрүү министри кызматын аркалаган. Ошондой эле 2014-жылы Малайзияга элчи болуп дайындалып, 2016-жылы отставкага кеткен. 2017-жылы Кореядагы элчи болуп иштеген.