.svg){kind=logo}
Бүгүн, 16-ноябрда, күн ачык болотКудайберген Базарбаев кызматтан алынып, Казакстанга элчи болуп жиберилдиАчыктык жана өнүгүү: Bozymchak Кыргызстандагы тоо-кентармагында ишенимди кантип бекемдөөдө?Кыргызстандын футзал боюнча жаштар курамасы эки өлкөнүн командасы менен беттешетБүгүн Бишкекте жаңы №66 электробус маршруту ачылды — кыймылынын схемасы15-ноябрга карата аба ырайы
«Кыргызстан» фракциясына Бектен Сыдыгалиев депутат болуп келди
06.09.2019 | 13:17
Бүгүн, 6-сентябрда «Кыргызстан» фракциясына Насыр Мусаевдин ордуна Бектен Сыдыгалиев депутат болуп келди. Ага Борбордук шайлоо комиссия мандат тапшырды. Бул тууралуу аталган комиссиянын басма сөз кызматы билдирди.
Белгилей кетсек, Насыр Мусаев кечээ, 5-сентябрда депутаттык мандатын тапшыруу боюнча БШКга арыз жазган. Ал ден соолугуна байланыштуу бир жылдан ашык жыйынга келген эмес. Бул маселе «Кыргызстан» фракциясында да көтөрүлүп, Мусаев мандатын тапшырсын деген кайрылууну Жогорку Кеңештин спикерине жөнөтүшкөн.
Бектен Сыдыгалиев Улуттук коопсуздук боюнча мамлекеттик комитетке караштуу Антикоррупциялык кызмат түзүлгөндө биринчи жетекчиси болгон. Кийин атайын кызматтын төрагасынын биринчи орун басары кызматын да аркалаган.
Рубрики: Жаңылыктар, Саясат
