3-октябрда Бишкек шаарында Кыргызстан менен Пакистандын ортосунда кинематография жаатында өз ара түшүнүшүү тууралуу меморандумга кол коюлду. Бул тууралуу Маданият министрлиги билдирди.

Документке Маданият министрлигине караштуу Кинематография департаментинин директору Улан Адамалиев жана Лахор шаарындагы «Кыргызстан соода үйүнүн» президенти Шахид Хасан кол коюшкан.

Меморандумдун алкагында биргелешкен кинофестивалдарды жана кинорынктарды өткөрүү, копродукцияларды ишке ашыруу, ошондой эле кыргыз тасмаларын Пакистандын аймагында көрсөтүү каралган.

Бул келишим маданий алмашууну өнүктүрүүгө, достукту бекемдөөгө жана эки өлкөнүн чыгармачыл байланышын кеңейтүүгө багытталган.