Кыргызстан Ооган өлкөсүнүн Герат провинциясындагы зилзаладан жабыркап, үй-жайсыз калган адамдарына жардам көрсөттү. Бул тууралуу Өзгөчө кырдаалдар министрлиги билдирди.
Маалыматка караганда, ӨКМдин 11 унаасынан турган 111 тонналык жардамды 2023-жылдын 29-ноябрында Ош шаарынан узатылган.
«Куткаруучулар коштогон 75 тонна ун, 20 тонна кумшекер, 5 тонна суумай жана 500 керебет, жууркан-төшөк жана Эл аралык Жарандык коргонуу уюму тарабынан 1 миллион сомго кийим-кече жана турмуш-тиричиликке керектелүүчү каражаттар топтому Өзбекстан аркылуу өтүп, жеткирилди», — деп айтылат маалыматта.
Дээрлик, 2700 чакырым жол жүргөн “жардам кербенин” 5-декабрда Герат шаарына жакын жайгашкан Фаизабад кыштагынын жашоочуларына тамак-аш, кийим-кечелерин жана таркатып, медициналык жардамдарын көрсөтүштү. Жардамдын калганын жергиликтүү бийликке өткөрүшкөн.
Өз миссиясын ийгиликтүү аткарып, мекенине кайткан куткаруучулардын коопсуздугун УКМКнын төрагасы Камчыбек Ташиев көзөмөлдөп турду.
Биздин Телеграм каналга катталыңыз
