Кыргызстанда алты айда 6,1 миң адам жумушка орношту. Бул тууралуу эмгек, социалдык камсыздоо жана миграция министри Кудайберген Базарбаев мекеменин ушул жылдын жарым жылдыгынын жыйынтыгы боюнча коллегиясында билдирди.
Анын айтымында, бул өткөн жылдын биринчи жарымына салыштырмалуу 10,4% ге көп.
«Ишке орношкон жарандардын эң көп өсүшү Баткен (28,7%), Чүй (25,3%), Талас жана Ош (21%) облустарында байкалды.
Эмгек рыногундагы чыңалууну басаңдатуу үчүн жигердүү иш менен камсыз кылуу саясатынын артыкчылыктуу багыттарынын бири акы төлөнүүчү коомдук жумуштарды жүргүзүү болуп саналат. Региондордун социалдык инфраструктурасын жакшыртууга жардам бергендиги үчүн жарандар акы алышат. Жыл башынан бери 4,8 миң адам коомдук иштерге тартылган.
Дагы 2,5 миң адам эмгек рыногунда талап кылынган кесиптер боюнча кесиптик билим алууга багытталган. Бул — медициналык айым, компьютердин оператору, ашпозчу, косметолог, чач тарач, маникюрчу, массажист, котормочу, бухгалтер, тигүүчү, айдоочу, электрогаз ширетүүчү, сантехник-слесарь», — деди министр.
Биздин Телеграм каналга катталыңыз
