Кыргызстанда эрежесиз мушташтарды өткөрүүнү токтотуу керек. Бул тууралуу УКМКнын төрагасы Камчыбек Ташиев кайрылуусунда билдирди.
Анын айтымында, бул жаштар үчүн туура эмес үлгү.
«Эрежесиз эр уруштар жаштарга, коомго зыян тийгизип жатат. Эрежесиз эр уруштарга катышкан спортчулардын көбү 40 жаштан кийин майып болуп калат. Бул спорт эмес, жөн гана мушташ. Учурда машыгып жүргөндөр олимпиадалык спорттун түрлөрүнө өтүшсүн», — деди ал.
Камчыбек Ташиев бул маселе боюнча Улуттук олимпиадалык комитеттин башчысына, федерацияларга кайрылып, чара көрүү керектигин айтты.
УКМКнын төрагасы билим берүү жана илимди өнүктүрүүгө басым жасоо зарыл экендигин кошумчалады.
Биздин Телеграм каналга катталыңыз
