УКМК тарабынан жүргүзүлүп жаткан ыкчам-издөө иш-чараларынын жүрүшүндө, Кыргызстандын чек арасын мыйзамсыз кесип өткөн деген шек менен чет мамлекеттин 1982-жылы туулган М.И.М. аттуу жараны кармалды.

Аталган ведомстводон билдиришкендей, кармалган жаран Россиянын аймагындагы жашыруун террористтик топтун активдүү мүчөсү болгон.

Ыкчам-иликтөө иш-чараларынын жүрүшүндө, М.И.М. 2022-жылдын октябрында Кыргызстандын аймагына мыйзамсыз өтүп келгендиги такталган. Кармалган М.И.М. жасалма паспорт алып, андан кийин Сириянын аймагындагы куралдуу кагылыш болгон аймакка барууну пландаганы аныкталды.

Учурда УКМК тарабынан КР аймагындагы М.И.М.нын шериктерин аныктоого жана кармоого багытталган тергөө иштери жүргүзүлүүдө.

Биздин Телеграм каналга катталыңыз