Ушул жуманын башында Орусияга авиа билеттердин баасы кескин кымбаттады. Дүйшөмбү күнү, 7-мартта, Москва-Бишкек авиакаттамынын баасы бир жумадан кийин уча турган айрым авиакассаларда 37-40 миң сомго жетип, ушуга окшош жагдай карама-каршы багыттагы билеттерде да түзүлгөн.
Баанын кескин көтөрүлүшү россиялык авиакомпаниялардын эл аралык, анын ичинде Кыргызстанга каттамдарын токтотуу чечимине байланыштуу болгон.
Бирок жума күнү, 11-мартта билеттер азая баштады.
«Кырдаалга бир нече факторлор себеп болушу мүмкүн. Биринчиден, бүгүн федералдык аба транспорту агенттиги расмий түрдө бир катар өлкөлөргө, анын ичинде Кыргызстанга да каттамдардагы ковиддик чектөөлөр алынып салынды. Экинчиден, кечээ жакында Жогорку Кеңеште россиялык авиакомпаниялар аба каттамдарын жандантат деп айтылды», — деп билдирди Жарандык авиация агенттиги.
Aviasalesа авиа билеттерди издөө кызматынын маалыматы боюнча, бүгүнкү күндө Бишкек — Москва багыты боюнча бир жумада учкан учактын баасы 15,5 миң сомдон 21,1 миң сомго чейин. Кайтуу учуунун баасы 12 миң сомдон 16,3 миң сомго чейин. Ошол эле учурда, авиабилеттердин баасы дайыма өзгөрүп турат жана башка нерселер менен катар доллардын курсунун өзгөрүшүнө көз каранды.
