Кыргызстандын өкмөтү өлкөдөн жыгач экспорттоого убактылуу тыюу салды. Бул тууралуу Министрлер кабинетинин маалымат кызматы кечээ, 28-майда жарыялады.
Тиешелүү токтомго өкмөт башчы кол койгон. Ага ылайык, Евразия экономикалык биримдигинин бажы аймагынан сырткары жыгач жана жыгач материалдарын (ЕАЭБ ТЭИ ТН 4401, 4403, 4407 коддору) ташып чыгууга алты айга тыюу салынат.
Тыюу токтом жарыялангандан үч күндөн кийин күчүнө кирет.
