Кыргызстандык Bigser Sport спорт мода үйү «Зенит» (Россия) футболчулары үчүн форма тигип берет. Бул тууралуу Россия-Кыргыз өнүктүрүү фондунун башкармалыгынын төрагасы Артем Новиков орусиялык компаниялардын Кыргыз Республикасындагы эл аралык диверсификацияланган бизнес миссиясында билдирди.
Иш-чаранын алкагында Bigser Sport жана Zenit Premier Football профессионалдык жабдууларды жеткирүү боюнча келишимге кол коюшту.
«Эми кыргызстандык компания орусиялык футболчуларга форма тигип берет. Өлкөбүздүн экспорттук потенциалы коңшулардан, жада калса Европа мамлекеттеринен да артта калбасына ишенебиз. Ошондуктан, россиялык компаниялар мындан аркы жемиштүү кызматташуу үчүн бүгүн ишенимдүү өнөктөштөрдү таба алышат», — деди Артем Новиков.
