Кыргызстандык окуучу Бектур Баратали Иранда өткөн физика боюнча эл аралык олимпиадада коло медаль утту. Бул тууралуу Билим берүү жана илим министрлигинен билдиришти.
Бектур Баратали — Ч. Айтматов атындагы лицейдин 11-классынын окуучусу.
Ошондой эле А. Молдокулов атындагы лицейдин 10-классынын окуучусу Аскар Абдиев Ардак грамотага татыган.
Белгилей кетсек, Бектур Бараталини мугалим Дүйшөн Сатыбалдыев, Аскар Абдиевди –Чынтемир Сабыров жана Улукбек Ажыбаев даярдаган. Олимпиада 21-28-июль күндөрү өттү.
