Баткен облусунун Лейлек районундагы Мурас айылында таза суу менен камсыздоо системасынын курулушу аяктоодо. Долбоор айылдын 3 миңден ашык тургунун ичүүчү суу менен камсыз кылууга мүмкүндүк берет.

Айыл чарба министрлигинин маалыматында, курулуштун алкагында суу сактоочу резервуарлар жана хлоратордук курулмалар орнотулду. Суу алуучу жайлар жаңыланып, узундугу 17 чакырымдан ашык суу түтүктөрү тартылды. Система ишке киргизилгенде 537 кожолук борборлоштурулган тармакка туташтырылат.

Иштерди министрликке караштуу Ичүүчү суу менен камсыздоону жана саркынды сууларды чыгарууну өнүктүрүү департаменти жүргүзүүдө. Долбоор «Климаттын өзгөрүшүнө туруктуу суу чарба кызматтарын жакшыртуу» программасынын алкагында ишке ашырылууда.