Кыргызстандык спортчулар балдар-өспүрүмдөр арасындагы шахмат боюнча мелдеште 3 медаль утту. Бул тууралуу мэриядан билдиришти.
Маалыматка караганда, Rokirvka Festival 2023 аталышындагы турнир Өзбекстандын Ташкент шаарында өтүп, ага Кыргызстандан Шахмат боюнча олимпиадалык резервдин адистештирилген балдар-өспүрүмдөр мектебинин тарбиялануучулары катышты.
Мелдештин жыйынтыгында жаш шахматчылар 3 медалга ээ болушту:
— Жибек Сагынбекова – 1-орун (10 жашка чейинки балдар арасында);
— Адия Аманова – 3-орун (10 жашка чейинки кыздар арасында);
— Айнура Исаева – 3-орун (12 жашка чейинки кыздар арасында).
