Күртстандын жумушчу партиясы өзүн-өзү таркатып, Түркия менен куралдуу кагылышууну токтотуу чечимин жарыялады.
Жыйынтыктоочу декларацияда партия “акыры куралдуу күрөштү токтотуп, ошону менен өзүнүн мурдагы аталышы менен жашоосун токтотот” деп жазган РИА Новости агенттиги.
Февраль айынын аягында партиянын 1999-жылдан бери өмүр бою эркинен ажыратылган лидери Абдулла Өжалан өзүнүн тилектештерин ПККны жоюуга чакырган. Март айында ПКК Түркия менен ок атышууну токтотууну жарыялаган. Курултайда анын мүчөлөрү дагы бир жолу Ожаландын абактан бошотулушун талап кылышты.
ПКК 1978-жылы түзүлгөн жана андан бери Түркиядагы күрттөрдүн улуттук укуктары жана Түркиянын курамында күрт улуттук-аймактык автономиясын түзүү үчүн күрөшүп келет.
Өлкөдө ПКК менен Түркиянын ортосундагы куралдуу кагылышуу 1984-жылы башталып, 2015-жылы кайра жанданган. Ирактын түндүгүндө күрт согушкерлеринин базалары бар жана түрк аскерлери аларга каршы абадан жана жерден операцияларды жүргүзүүдө.
