Нарын облусунда өткөн суткада эки жолу жер титирөө катталды. Бул тууралуу Сейсмология институтунан маалымат таратты.

Адистердин айтымында, жер титирөө Нарын шаарына жакын жерде катталган. Жер титирөөнүн күчү 4,5 баллды түзүп, эпицентрдик зонанын эл жашаган аймактарында МСК-64 шкаласы боюнча 3 баллга чейин силкинген.

Сейсмология институтунун айтымында,  “Катталган жер титирөө аймакта топтолгон тектоникалык чыңалуудан кабар берет. Биз мониторинг жүргүзүүнү улантып, мүмкүн болгон жер титирөөлөрдү күтөбүз. Мындай сейсмикалык окуялар сейсмикалык активдүүлүк күчөгөн зонада жайгашкан Кыргызстан үчүн сейрек эмес”.