Бүгүн, 5-февралда Кытайда өтүп жаткан кышкы Азия оюндарында Кыргызстандын хоккей курамасы экинчи беттешин өткөрөт. Бул тууралуу Дене тарбия жана спорт департаментинен билдиришти.
Экинчи оюнунда Кыргызстандын курамасы Бахрейн менен кез келет. Беттеш Бишкек убактысы боюнча саат 11:00до башталат.
Эске салсак, кыргызстандык хоккейчилер биринчи беттешинде Кувейтти 8:7 эсебинде утуп, өзүнүн В тайпасында 2 упай менен экинчи орунга жайгашкан. Үч упай алган Сингапур 1-орунда турат.
Азия оюндары: Кыргызстандык хоккейчилер мелдешти жеңиш менен баштады
