Изилдөөгө 19 866 ыктыярчы катышып, 21 күндүн аралыгында аларга эки дозадан вакцина сайылган. Сыноонун жүрүшүндө төрт катышуучу каза болгон. Алардын үчөөнө вакцина сайылып, төртүнчүсү плацебо алган. Бирок адистер ыктыярчылардын өлүмүн «Спутник V» вакцинасы менен байланыштырышкан жок.
Мындан тышкары 45 киши дарынын кесепетине даттанышкан. Бул жалпы сыноого катышкандардын 0,3% түзөт.
«Спутник V» вакцинасы Орусияда сыноонун толук жыйынтыгы жарыялана электе катталган. Бул жараян саясий билдирүүлөр менен коштолгондуктан, бир топ эксперттер менен илимий чөйрөнүн өкүлдөрү анын натыйжалуулугуна күмөн саноо менен карап келишкен.
