Жол кыймылынын коопсуздугун камсыздоо боюнча мамлекеттик инспекциянын кызматкерлери Бишкек-Нарын-Торугарт унаа жолуна чыгышты.

Мамлекеттик Жол кыймылынын коопсуздугун камсыздоо башкы башкармалыгынын басма сөз кызматы билдиргендей, иш-чаранын жүрүшүндө аталган жолдун 124-чакырымында (Боом капчыгайы) «БМВ» үлгүсүндөгү унаа катуу ылдамдыкта келе жаткандыгы үчүн токтотулган. Бирок, айдоочу этибарга албай, инспекторго баш ийбей, качып кетүүгө аракет кылган. Унаа ошол эле жолдун 73-чакырымында (Токмок) кармалган.

Айдоочуну Чүй облусунун жол инспекторлору кармашкан. Ылдамдыкты ашырып, кызматкерлерге баш ийбегендиги үчүн ага 25 миң сом айып салынган.

Биздин Телеграм каналга катталыңыз