Кечээ күнү Бишкек-Раззаков каттамы менен учкан Tez Jet компаниясынын учагы жолдон кайтып, Бишкекке келген. Бул тууралуу маалыматты Reporter.kg’ге «Манас» эл аралык аэропорту ырастады.
Алардын маалыматында, учактын кыймылдаткычтарынын бири жакшы иштебей калгандыктан жолдон бурулган.
Жүргүнчүлөрдүн айтымында, самолёттун тетиктери күйгөн, тарсылдаган үндөр чыккан.
«Манас» Баткенге каттамдардын жадыбалы өзгөрбөгөнүн айтып, учуулар тууралуу толук маалымат алуу үчүн Tez Jet компаниясына кайрылууну суранды.
