Май куюучу жайда унаасы менен автоээнбаштык жасаган айдоочу айыпка жыгылды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Белгилүү болгондой, буга чейин соцтармактарга BMW’нын айдоочусу май куюучу жайлардын биринде унаасын чимирилте айдап, Mercedes-Benz’ти айланып жатканы тартылган видео тараган.
Жол милициясынын кызматкерлери аталган айдоочуну таап, 15 миң сом айып пул салган. Ал эми унаа айып короосуна коюлган.
Жол эрежесин бузган айдоочуларды көрсөңүз, 0777 102 102 номерине сүрөт-видеолорду жөнөтсөңүз болот.
