Бүгүн, 11-октябрь Бишкекте “Ынтымак” саясий партиясынын кезексиз съезди өтүүдө. Партиянын төрагасы Марлен Маматалиев съезде сөз сүйлөп жатып алдыдагы парламенттик шайлоодо жеңишке жетүүгө ишенич чоң экенин белгиледи.

Ал аталган партияга өз дымагы бар талапкерлер чогулганын айтып, уникалдуу экендерин билдирди.

“Жогорку Кеңешке бара жаткан биздин команданын ар бир мүчөсү башкаларга үлгү, шык бере алат. Биз шайлоодо жеңишке жетебиз, азыркы командам менен сыймыктанам”, – дейт Маматалиев.

“Ынтымак” саясий партиясынын катарында Жогорку Кеңештин азыркы төрагасы Талант Мамытов дагы бар.

Белгилей кетсек, үгүт иштери 29-октябрда башталып, парламенттик шайлоо 28-ноябрда өтөт.