Жазаларды аткаруу мамлекеттик кызматынын төрагасы Мелис Турганбаев кызматтан кетти. Бул тууралуу өкмөттөн маалымдашты.

Тиешелүү буйрукка премьер-министр Кубатбек Боронов кол койгон. Турганбаев парламенттик шайлоого катышат. Ал «Замандаш» саясий партиясынын тизмеси менен Жогорку Кеңештин депутаттыгына талапкерлигин коюп жатат.

Мелис Турганбаевдин кызматтык ыйгарым укуктарын аткаруусу шайлоонун жыйынтыгы чыкканга чейин токтотулду.

Эскерте кетсек, парламенттик шайлоо ушул жылдын 4-октябрында өтөт.