«Мейкин Азия» эл аралык музыкалык фестивалынын баш байгеси — Гран-прини румыниялык аткаруучу Мария-Диана Стынчуляша жеңип алды. Ага $8000 акчалай сыйлык тапшырылды.

Маданият министрлигинен кабарлашкандай, музыкалык сынакка 25 мамлекеттен таланттуу аткаруучулар катышып, фестиваль жогорку деңгээлде өттү.

Фестивалдын жыйынтыгында орундар төмөндөгүчө бөлүштүрүлдү:

I орун — Урмат Сатыбалдиев (Кыргызстан)

II орун — үч аткаруучу:

• Камир (Кыргызстан)
• Кира Гоголадзе (Россия)
• Виталий Дроп (Беларусь)
  III орун —
• Полина Тасева (Түндүк Македония)
• Тулкин Тажиев (Өзбекстан)

Ошондой эле, «Көрүүчүлөрдүн сүймөнчүгү» наамына Саха Республикасынан келген катышуучу Кирилл Матвеев татыды.

Эскерте кетсек, «Мейкин Азия» фестивалы — популярдуу музыка багытындагы жаш таланттарды колдоону жана маданий кызматташтыкты чыңдоону максат кылган эл аралык масштабдагы долбоор. Ал 2013-жылдан бери Кыргыз Республикасынын Маданият, маалымат, спорт жана жаштар саясаты министрлиги тарабынан уюштурулуп келет.