Белгилүү казакстандык ырчы Димаш Кудайбергенге Кыргыз Республикасынын Эл артисти ардак наамы ыйгарылды. Президент Садыр Жапаров кол койгон тиешелүү жарлык «Мейкин Азия» эл аралык музыкалык фестивалынын сахнасында жарыяланды.

Сыйлык тапшыруу учурунда Димаш Кыргыз элине жана жетекчилигине терең ыраазычылыгын билдирди.

Белгилей кетсек, Димаш Кудайберген — «Мейкин Азия» фестивалынын алгачкы баш байгесинин ээси, ал бул наамга 2013-жылы өткөн фестивалда татыган.