Быйыл Камбар-Ата 1 ГЭСинин биринчи фазасынын курулушу башталат. Бул тууралуу Бишкекте өткөн маалымат жыйынында министрлер кабинетинин төрагасы Акылбек Жапаров билдирди.
Анын айтымында, биринчи этапка 486 миллион доллар керектелет.
Ал белгилегендей, жакынкы үч жылда Кыргыз Республикасы объектти ишке киргизе алат. Акчаны Каржы министрлиги тапкан. Алар бюджеттен курулушка бөлүнөт, инвестиция дагы тартылат. Казакстан менен Өзбекстан буга чейин долбоорго катышуу ниетин тастыкташкан.
