Нарын шаарындагы Ленин жана Ж. Шералиев көчөлөрүндө жүрүп жаткан курулуш иштерин Транспорт жана коммуникациялар министрлигине караштуу «Кыргызавтожол-Түндүк» мамлекеттик ишканасы улантат. Бул тууралуу министрликтин маалымат кызматы билдирди.

Маалыматка ылайык, курулуштун сапатына жана белгиленген графиктин аткарылышына өзгөчө көзөмөл коюлду. Ленин көчөсүнүн узундугу 9,5 км, ал эми Ж. Шералиев көчөсү 2,3 км түзөт.

Министрлик курулуш иштеринин аягына чейин коомчулукка үзгүлтүксүз маалымат берилип турарын белгиледи.