Ноокат районунун Жаңы-Ноокат айыл аймагында жерлерди мыйзамсыз менчикке өткөрүп берген мамлекеттик кызматкерлер кармалды. Бул тууралуу УКМК билдирди.
Маалыматка караганда, алар жалпысынан 41 гектар жер трансформациясыз жасалма токтомдор менен мыйзамсыз берилген, анын жалпы орточо базар наркы 300 млн.сомго жакынды түзөт.
Коопсуздук кызматы Жаңы-Ноокат айыл аймагынын мурдагы башчысы Р.Н.З., аталган айыл аймактын жер ресурстары боюнча адиси Э.Э.Т., «Кадастр» мамлекеттик мекемесинин Ноокат райондук филиалынын бөлүм башчысы Б.А.Э., жетектөөчү адис А.Н.М., картограф К.И.Т. жана каттоо бөлүмүнүн башчысы С.Т.С. кармап, камоого алды.
Биздин Телеграм каналга катталыңыз
