Шайырбек Ташиев сурак берүү үчүн Ички иштер министрлигинин (ИИМ) Башкы тергөө башкармалыгына жеткирилди. Бул тууралуу КР Ички иштер министрлигинин басма сөз кызматы расмий билдирди.

Учурда укук коргоо органдары тергөө иш-аракеттери кайсы кылмыш ишинин алкагында жүргүзүлүп жатканын тактай элек. Ошондой эле Ташиевдин процессуалдык макамы да белгисиз бойдон калууда.

Мекемеден суракка чакыруунун себептери жана иштин чоо-жайы тууралуу кененирээк маалымат кийинчерээк берилерин белгилешти.