Ноокат районунда селдин кесепеттерин жоюу иштери жүргүзүлүп жатат. Бул тууралуу ӨКМдин басма сөз кызматы билдиди.
Маалыматка караганда, 28-июнда Ноокат районунун аймагында жааган жамгырдын кесепетинен Гулистан айыл аймагынын Тажи-Кыштак айылындагы 8 турак үйдүн короо, сарайларына сел кирген. Ошондой эле, Н.Исанов айыл аймагынын Тескей-Кожоке айылынын Алчалуу-Сай сел сайынан сел түшкөн жана аталган аймакта 25 турак үйдүн короосуна, 1 мектепке чейинки билим берүү мекемесине сел суулары кирген.
Бүгүн , 30-июнь күнү тазалоо иштерине Ноокат райондук өзгөчө кырдаалдар бөлүмүнүн куткаруучулары тартылды.
Биздин Телеграм каналга катталыңыз
