New York Post басылмасынын маалыматына караганда, окуя 19-июлда Бруклинде болгон. 24 жаштагы тургун апасын, жеңесин жана анын эки баласын бычактап өлтүргөн.
Жергиликтүү полиция кызматкерлери шектүүнүн 56 жаштагы апасы Мавлюда Файзиеванын сөөгүн ошол эле күнү саат 22:20да табышкан. Анын мойнунда бычактан алган жарааттары болгон.
Беш жаштагы Камила менен төрт жашар Тимурдын жана алардын 27 жаштагы апасы Мафтуна Хакимованын сөөктөрү үйдөгү шкафтан табылган. Алардын денелеринде да бычактан алган көптөгөн жаракаттар болгон.
Шектүү кармалды. Полициядан билдиришкендей, ал психикалык жактан оорулуу болушу мүмкүн.
New York Post’тун кабарчысы менен сүйлөшкөн коңшуларынын бири шектүү маңзат колдонуп жүргөнүн айтып берген.
