Офтальмолог Азиз Юлдашев «Биринчи радионун» эфиринде 5 жашка чейинки балдарга смартфон бербөөнү сунуштады. Анын айтымында, эрте жана узак убакыт бою гаджеттерди туура аралыкты сактабастан колдонуу балдардын көз көрүүсүнө терс таасирин тийгизиши мүмкүн.

Дарыгер белгилегендей, эрте куракта смартфондон видеороликтерди 5–10 мүнөттөн көп эмес көрсөтүүгө болот. Ал эми мектеп жашында экрандын убактысын 10–20 мүнөткө чейин узартып, ар бир колдонгондон кийин 1–2 саат тыныгуу керек.