.svg){kind=logo}
Бир жылда акыйкатчыга сот отурумдарына арызданып, 800дөн ашык адам кайрылганДепутат Cool Bros тигуучу фабрикасы мыйзамсыз тартып алуу боюнча билдирүү жасадыБишкекте 600 гараждын ордуна 1 миң 200 орундуу жаңы мектеп курулуудаЖогорку Кеңеште депутаттардын сүйлөөлөрүн спикер менен макулдашуу талабы киргизилдиРуслан Суйналиев финансы министри болуп дайындалды. Президент кол койдуКыргызстан дүйнөгө баратат: заманбап тейлөө жаратуу менен өзгөчөлүктү кантип сактап калуу керек?
Өкмөт ломбарддардын ишин уюштуруунун жаңы талаптарын бекитти
02.02.2026 | 17:55
Өкмөт Кыргызстандын аймагында ломбарддардын ишин уюштурууга карата минималдуу талаптардын жобосун бекитти. Тиешелүү токтомго Министрлер кабинетинин төрагасы Адылбек Касымалиев кол койду.
Бул документ өлкөнүн аймагында ломбард ишин жүзөгө ашырууга лицензиясы бар бардык юридикалык жактардын ишмердүүлүгүн жөнгө салат.
Токтом менен ломбарддардын уставдык капиталынын минималдуу өлчөмү этап-этабы менен төмөнкүдөй белгиленди:
- 2025-жылдын 1-январынан тартып — 3 млн сомдон кем эмес;
- 2026-жылдын 1-июлунан тартып — 7 млн сомдон кем эмес;
- 2027-жылдын 1-июлунан тартып — 14 млн сомдон кем эмес;
- 2028-жылдын 1-июлунан тартып — 20 млн сомдон кем эмес.
Ломбард ишинин субъекттери алты айлык мөөнөттө өз ишмердүүлүгүн жаңы бекитилген жобонун талаптарына ылайык келтириши керек.
Токтом расмий жарыяланган күндөн тартып он беш күн өткөндөн кийин күчүнө кирет.
Рубрики: Жаңылыктар, Экономика
