УКМК Манас шаарында чет элдик “Фуркан” диний кыймылынын мыйзамсыз миссионердик ишмердүүлүгүн (даават) токтотулганын билдирди. Кыймылдын 20 мүчөсү, анын ичинде 6 адам чет өлкөлүк жаран кармалды.

Атайын кызматтын маалыматында, аталган кыймыл светтик мамлекеттин саясатына каршы чыгып, шарият мыйзамдарын колдойт. “Фуркан” кыймылынын өкүлдөрү Жалал-Абад облусун пилоттук жай катары тандап, өлкөнүн түштүк аймактарында өз идеологиясын жайылтууну жана диний уячаларды түзүүнү пландаган.

Мыйзамсыз дааватты уюштуруучуларга жана катышуучуларга карата административдик айыптар салынды. Учурда “Дин тутуу эркиндиги жана диний бирикмелер жөнүндө” мыйзамдын талаптарын сактоо боюнча иш-чаралар жүрүүдө.