Кыргызстанда хоккейди өнүктүрүү жана спорттун бул түрүнө кызыккан жаштарды шыктандыруу максатында дүйнөнүн белгилүү хоккейчиси, Олимпиада чемпиону Андрей Зубарев мастер-класс өткөрөт. Бул тууралуу Кыргызстандын хоккей федерациясынын вице-президенти Асел Абдыгулова маалымат жыйында билдирди.

Маалыматка ылайык, Зубарев “Манас Кубогу” балдар жана өспүрүмдөр арасындагы эл аралык турнирдин алкагында үч күндүк иш сапарынын алкагында Кыргызстанга келет. Ал оюнчулар менен тажрыйбасын бөлүшүп, тактика боюнча мастер-класстарды өткөрөт. Мастер-класска Бишкек, Нарын жана Ысык-Көл облустарынан командалар катышат.

Абдыгулова белгилегендей, Андрей Зубарев ошондой эле өлкөнүн хоккей клубдары менен жолугуп, Казакстан, Өзбекстан жана Борбор Азия өлкөлөрүнүн жаш хоккейчилери үчүн да мастер-класстарды өткөрөт. Бул иш-чаранын максаты — жаш спортчуларга мотивация берүү жана хоккейди Кыргызстанда кеңири өнүктүрүү.